Dieđáhus 11.2.2025 Bargofápmobálvalusaid johtui vuolgin Duottar-Lappi ja Pello barggolašvuođaguovllus
Julkaistu 11.2.2025 Muokattu 11.2.2025Duottar-Lappi ja Pello barggolašvuođaguovllu doaibma álggii 1.1.2025, go BE-doaimmahagat heaittihuvvojedje. Mii vástidit bargiid ja bargoaddiid bargofápmobálvalusaid ordnemis Eanodaga, Gihttela, Kolari, Muonio ja Pello gielddain.
- Barggolašvuođaguovllumet nana máhttin dáhkida, ahte min áššehasat sáhttet leat almmá fuola haga, vaikke bargofápmobálvalusaid doibmejeaddji lea molsašuvvan. Oahpes barggolašvuođaáššedovdit bálvalit boahttevuođasge, muitala barggolašvuođaguovllu hoavda Tero Hyttinen.
Nuppástusdilli lea buktán ovdii máŋggaid áššiid, maid ferte čielggadit. Duottar-Lappi ja Pello barggolašvuođaguovllu doarjagiid ja ruhtavehkiid máksimat leat ádjánan, mii lea boahtán jahkemolsašumi hástalusain, go máksinvuogádat sirdui stáhtas gildii. Dili geahččalit buoridit nu jođánit go vejolaš.
Jagi álggus lea maiddái boahtán ovdan, ahte barggolašvuođaguovllu mearreruđat, mat leat dárkkuhuvvon bálkádoarjagii, leat čadnon jagi 2025 oasil diibmá BE-doaimmahagas dahkkon mearrádusaide. Danin bálkádoarjaga ii sáhte mieđihit doaisttážii ođđa ohcamušaide.
- Buohkanassii barggolašguovllu doaibma lea beassan bures johtui, vaikkege leat deaividan muhtin vuogádatteknihkalaš hástalusaid, mat laktásit sirdásanmuddui. Mii dieđihit hehttehusain, mat váikkuhit min áššehasaide, ovdasajis gielddaid neahttasiidduin, sihke maiddái Gihttela gieldda ja eará barggolašvuođaguovllu gielddaid Facebook -siidduin, Hyttinen muitala.