Árrabajásgeassin

Árrabajásgeassin fállá vuollái oahppogeatnegasvuođaahkásaš mánnái dorvvolaš dikšunbáikki. Máná riekti árrabajásgeassimii álgá vánhemiidruhtabaji nohkama maŋŋá ja bistá dassážii, go son sirdása vuođđooahpahuslágas dárkkuhuvvon oahppogeatnegassan vuođđooahpahussii. Árrabajásgeassinbáiki sáhttá mieđihuvvot mánnái maiddái sivain, mat laktásit bajásgeassimii ja ovdánahttimii. Eatnigiellaneaset sámegielalaš mánáide fállojuvvo árrabajásgeassin sin eatnigillii.

Eanodagas ordnejuvvo árrabajásgeassin čuovvovaččat:

Beaiveruoktu Rievssahis Heahtás
Joavkobearašbeaiveruoktu Touhulas Gárasavvonis
Ruoŧabeale Gárasavvonis sámegielalaš ovdaskuvla Lávus (oastinbálvalus)
Joavkobearašbeaiveruoktu Sánás Gilbbesjávrris

Árrabajásgeassinbáikki ohcan

Árrabajásgeassinbáiki galgá ohccojuvvot maŋemusat njeallje mánu ovdal dikšundárbbu álgima. Juos dikšundárbu goitge boahtá barggu oažžumis, stuđeremis dehe skuvlejumis, iige dárbbu álgináigi leat noahkumis, galgá árrabajásgeassinbáiki ohccojuvvot nu jođánit go vejolaš, goitge maŋemusat guokte vahku ovdal go mánná dárbbaha dikšunbáikki.

Eanodagas árrabajásgeassinbáikkiid ohcan čuovvovaš dikšunáigodahkii 1.8.-31.7. dáhpáhuvvá cuoŋománu áigge. Mánáide, geat leat divššus, devdojuvvo maid dikšunskovvi nannejupmin ja dárkkistussan dikšundárbbu joatkahuvvamis čuovvovaš badjái. Árrabajásgeassinbáikki sáhttá maid ohcat birra jagi. Juos vánhemat eai váldde vuostá mánnái fállojuvvon dikšunbáikki, galgá das dieđihit árrabajásgeassima hovdii mielalis čálalaččat ovdal dikšuma álgima.

Eanodaga árrabajásgeassin lea sirdásan atnit Tiera Vesseli/Daisy-doaimmastivrenvuogádaga 1.4.2023 rájes. Ođđa vuogádat addá vejolašvuođa ee. máná árrabajásgeassinbáikki ohcama, dienasdieđuid sáddema ja mearrádusaid oažžuma elektrovnnalaččat. Dasa lassin vuogádat dahká vejolažžan ee. árrabajásgeassinplána ráhkadeami sihke mánáid dikšunáiggiid várrema elektrovnnalaččat.

Fuolaheddjiin leat anus guokte elektrovnnalaš áššiiddikšunkanála: eDaisy ja Daisy Family.

eDaisy

eDaisy- bálvalusas sáhttibehtet dikšut máná árrabajásgeassimii ohcama ja dieđihemiid árrabajásgeassinbálvalusaide: árrabajásgeassinohcamuša, dienasdieđuid dieđihemiid, eretcealkin- ja nuppástusilmmuhusaid. eDaisy áššiiddikšumis gávdnojit ohcamušat, nuppástusdieđáhusat ja mearrádusat.

eDaisy-vuogádahkii registrerejuvvo álot gievrras identifiseremiin.

Mearrádusaid oažžumii eDaisyi dárbbahuvvojit fuolaheddjiid e-boastačujuhusat.

Eanodaga árrabajásgeassinohcamušat leat rahppojuvvon ođđa eDaisy-bálvalussii. Bálvalusa gávnnat čujuhusas:

https://enontekio.daisynet.fi/eDaisy

Diehtosuodječilgehus

DaisyFamily

Daisyfamily lea árrabajásgeassima beaivválaš áššiiddikšunkanála fuolaheddjiide. DaisyFamilyi čálihuvvo vuosttaš háve gievrras identifiseremiin, man maŋŋel applikašuvdnii lea vejolaš duddjot iežas beassansáni čálihuvvama jođálnuhttima váste. Geavaheaddjedovddaldat šaddá ovdanamas ja goarggus.

DaisyFamily lea applikašuvdna, man bakte árrabajásgeassima beaivválaš áššiiddikšun lea álki ja njuovžil. DaisyFamily bakte fuolaheaddjit várrejit máná dikšunáiggiid ja bastet čuovvut várrejuvvon dikšunáiggiid. DaisyFamilys fuolaheaddjit oidnet maid árrabajásgeassima sáddagiid ja dieđáhusaid. Beaivválaš gulahallan ruovttu ja árrabajásgeassima gaskkas lea álki.

DaisyFamily bakte sáhttá: