Gilbbesjávrri álšasále

Buori álšasáleetikeahta čuovvumiin sáhttit juohkehaš iežamet oasil sihkkarastit, ahte álšasále buot geavaheddjiin lea somás, beaktilis ja dorvvolaš hárjehallan.

Álšasále sáhttá geavahit beaivválaččat dii 06.00-22.00, earret mánnodaga, gaskavahku ja bearjadaga, goas álšasále čorgemii lea várrejuvvon áigi 07.00-09.00. Álšasále ahkerádji lea 15 jagi. 13-14-jahkásaččat ožžot hárjehallat álšasáles dušše vánhemiiddisetguin dehe 18 jagi deavdán bearašlahtuin/hárjeheddjiin. Dorvvolašvuođa dihte mánát eai oaččo hárjehallat/orodit álšasáles. Áššehis orodeapmi álšasáles lea gildojuvvon.

Čoavddakoda lea persovnnalaš, iige dan oaččo addit nuppi olbmui.

• Sálii ii oaččo luoitit olggobeale olbmuid almmá lobi haga
• Čoavddakoda galgá geavahit álo, go boahtá sálii
• Áššehas vástida koda geavaheamis ja das vejolaččat šaddi vahágiin
• Oahpásnuva álšasále dorvvolašvuođaáššegirjái, mii gávdno álšasáles.

Álšasále njuolggadusat:

• Geavaheaddji čatnasa čuovvut sále geavahusa oktasaš njuolggadusaid
• Juohkehaš álšasále geavaheaddji lea geatnegas doallat sále ortnegis ja čorgadin
• Máhcat álo deattuid ja biergasiid rievttes báikkiide
• Álšasáles galgá geavahit álo sisgápmagiid. Gápmagahttá dehe olgogápmagiiguin hárjehallan lea eavttoheamet gildojuvvon
• Gielda ii leat ovddasvástádusas gárvodanlatnjii, bivttasheaŋggastahkii dehe eará sajiide guđđojuvvon diŋggain
• Váldde vuhtii maid eará geavaheddjiid ja sihko rusttega dárbbu mielde geavaheami maŋŋá. (Geavat válmmaš buhtistanávdansa, mii gávdno sále ravddas)
• Geavat trenensihkaldaga, juos bivastuvat sakka. Geavat álot buhtes lihkadanbiktasiid
• Ále báze čohkohallat rusttegiidda hárjehallansárjjáid gaskkas, muhto baica atte saji álšasále eará geavaheddjiide
• Juohkehaš hárjehallá iežas álššaid mielde ja juohkehaččas lea ovddasvástádus das. Bárttiid várás juohkehaš lea geatnegas ieš fuolahit dáhkádusdorvvus
• Duhpáhastin ja gárrenávdnasiid geavaheapmi siste ja álšasále lahka, lea gildojuvvon
• Almmut cuovkanan rusttegis dehe eará valáštallanbiergasis buresbirgenbagadallái
• Álšasále uksa galgá leat álo lássejuvvon. Šleađgalássema dihte uvssa gaskii ii oaččo guođđit biergasiid doallat uvssa rabas
• Eahkeda maŋimuš geavaheaddji jáddada čuovggaid ja sihkkarastá, ahte álšasále uksa manná lohkkii
• Álšasále geavaheaddjit galget vuhtiiváldit várrejuvvon álšasálevuoruid, mat oidnojit sále geavahusvuoruin. Skuvlabeaivve áigge skuvllas lea ovdavuoigatvuohta geavahit álšasále.
• Eanodaga gielddas lea vuoigatvuohta rievdadit dáid eavttuid. Rievdadusain dieđihit ovddalgihtii áiggil.

Álšasále ovddasvástideaddji joavkovuoruin

• Juohke joavkovuorus galgá leat nammaduvvon unnimustá okta badjel 18-jahkásaš ovddasvástideaddji
• Ovddasvástideaddjit ja sin várreolbmuid oktavuođadieđut galget leat máinnašuvvon vuorroohcamušas
• Ovddasvástideaddji vástida lanjaid áššálaš geavaheamis ja čoavddakoarttas, vejolaš boasttugeavaheamit vuoruin sáhtte dagahit vuoruid šluhttema
• Ovddasvástideaddji oažžu čoavddakoartta álšasálii Heahtá girjerádjosis dalle, go dat lea rabas
• Ovddasvástideaddji geavaha čoavddakoartta joavkovuoruid oktavuođas. Organisašuvnnaid ja servviid hárjeheddjiin, vuoruid jođiheddjiin dehe eará sullasaččain, lea lohpi geavahit iežaset čoavddakoartta vuoru oassálastiiguin.