Geavahanvuoru ohcan
- Eanodaga gieldda astoáiggebálvalus bidjá fástasálevuoruid ohcama váste miesse-geassemánu áigge. Doaibmaáigodat lea 1.8.-31.7.
- Geavahanvuorru ohccojuvvo elektrovnnalaš ohcanskoviin, mii gávdno gieldda interneahttasiidduin Lihkadeapmi/Kultuvra-bajilčállagiin. Ohcamušat bohtet buresbirgenbagadeaddjái.
Geavahanvuorus mearrideapmi
Geavahanvuoruid juohká buresbirgenbagadeaddji
Jos falástallansajiide leat seamma beaivái ja diibmoáigái máŋga sávaldaga juohkinortnet lea čuovvovaš:
- gielda skuvla- ja astoáigebálvalus
- eanodatlaš servviid lágidan mánáid ja nuoraid (vuollel 18-jahkásaččaid) faláštallanjoavkkut
- Guovssahasoahpahaga rávesolbmuid faláštallanjoavkkut
- eanodatlaš servviid lágidan rávesolbmuid vuorut
- eanodatlaš priváhtaolbmot ja verddeboavjjit
- eará sajis registrerejuvvon servviid lágidan doaibma
Mánáid ja nuoraid ájanasvuorut vuoruhuvvojit álgoeahkedii.
Ovddasvástideaddji olmmoš
Juohke geavahanvurrui galgá leat nammaduvvon badjel 18-jahkásaš ovddasvástideaddji. Ovddasvástideaddjit sáhttet leat eanetge. Ovddasvástideaddji olmmoš/olbmot ja sin oktavuohtadieđut galget leat namuhuvvon geavahanvuorroohcamušas. Ovddasvástideaddji fuolaha sajiid áššáigullevaš geavaheamis ja čoavdagis.
Čoavdda
Ovddasvástideaddji oažžu čoavdaga lihkadanhálla buresbirgenbagadeaddjis guitema vuostá.
Čoavdaga oažžu geavahit dušše iežas geavahanvuoruid oktavuođas ja čoavdda galgá máhcahuvvot dakkaviđe buresbirgenbagadeaddjái go lihkadanjoavkku doaibma nohká dehe skuvladoaimmahahkii go dáhpáhus nohká loahpalaččat.
Rávvagat sále geavaheapmái
- Joavkkuid ovddasvástideaddjit fuolahit uvssaid, lásiid (gárvodanlanjas, hivssegis) giddemis ja eahkeda maŋimus vuorus čuovggaid jáddadeamis.
- Lihkadanreaiddut ja dávvirat galget máhcahuvvot geavaheami maŋŋel daid rivttes báikkiide.
- Mašenbiggoheapmi lea automáhtalaččat nalde beaivválaččat, nu ahte biggohanluŋkkat eai oaččo rahppojuvvot.
- Liggentermostáhtaid muddema ovddasvástádus gullá giddodatdikšuide, nu ahte termostáhtat eai oaččo muddejuvvot.
- Gárrenávdnasiid geavaheapmi, gárrenoaivvis leahkin ja borgguheapmi lea gildojuvvon (duhpátláhka 12§) sissajiin ja skuvlla šiljus.
Čorgen
- Faláštallanhálla čorgejuvvo árgaiđidiid
- Geavaheaddjit fuolahit bealisteaset sále čorgatvuođas
- Dáhpáhusa lágideaddjit fuolahit čorgemis láigoheami oktavuođas sohppojuvvon vuogi mielde
Sále eará geavahus ja vuoruid šluhttemat
Dáhpáhusain, mat spiehkkasit vahkkosaš geavahusas, ja geardelundosaš várremat buresbirgenbagadeaddji dieđiha čálalaččat šleađgaboasttain vuoruid kontáktaolbmuide.
Vuoruid kontáktaolbmot fuolahit dieđu mannamis iežaset vuoruid sálegeavaheddjiide.
Oktavuohta vigiin
Juos joavkku vuorus dáhpáhuvvá cuovkaneapmi dehe fuomášuvvo vihki, galgá das ilmmuhit dakkaviđe:
- Giddodatdikšui 040 5353 799
- Buresbirgenbagadeaddjái 040 7090 665.
- Giddodatfitnodagaid vihkegohcimii 0400 800 831 (virgeáiggi olggobealde)
Rehketčállin
Čakčaáigodaga rehketčállin dáhpáhuvvá juovlamánus ja giđđaáigodaga geassemánus.
Galledeaddjemearri
Galledeaddjemearri galgá ilmmuhuvvot čakča- ja giđđaáigodaga loahpas buresbirgenbagadeaddjái.
