Fitnodatbálvalusat

Eanodaga gieldda ealáhusbálvalusaid fállá eallinvuoibmi ja ovdánahttin -doaibmasuorgi. Min bargguide gullá earret eará Eanodaga eallinvuoimmi ja fitnodatvuođa doarjun ja ovddideapmi. Mii fállat veahki ja neavvuma buot fitnodaga eallingearddi muttuin, lei dal gažaldagas fitnodatdoaimma álggaheapmi, šaddama doarjun dehe ovdánahttinjurdagiid ollahuhttin. Váldde oktavuođa, juos plánet ođđa fitnodaga vuođđudeami dehe háliidat ovdánahttit iežat dálá fitnodatdoaimma. Mii veahkehit du ovddasguvlui buot muttuin.

Shibutani, KatiFitnodat- ja ovddidanaššedovdi

0400 132 798

Enontekiön virastotalo

Show All Information

Fitnodatneavvun

Eanodaga gielda fitnodatneavvun addá oppalašneavvuma fitnodatdolliide ja fitnodatdoallin áigon olbmuide ee. čuovvovaš áššiin: fitnodaga vuođđudeapmi, fitnodatdoaibmaplána dahkan, gánnáheami rehkenastimat ja almmolaš doarjagiid ja ruhtadeami gártemat. Dasa lassin mis oažžu oktavuođaid ja oppalašneavvuma doaibmasadje- ja eanangeavahanáššiide.

Eanodaga suohkanis lea maid soahpamuš Lappi Consulting Os:iin fitnodatneavvumis. Álggaheaddji fitnodatdoalli neavvuma lassin fitnodatdoalli sáhttá oažžut bálvalusa ee. čuovvovaš áššiin: fitnodaga ovdánahttin- ja dearvvašnuhttinplána, buolvadatmolsun ja fitnodaga vuovdin dehe oastin.

Lappi Consulting Oy
Ari Saarela
+358406314433
info@lappiconsulting.fi
www.lappiconsulting.fi

Fitnodatdulka

Fitnodatbargit ja dat, geat áigot fitnodatbargin, sáhttet ávkkástallat gieldda fállan Fitnodatdulka -bálvalusain. Fitnodatdulka lea muhtinlágan fitnodatbargi vuođđoskuvla. Fitnodatdulka -siidduin gávdnojit buot fitnodatbargama vuođđodieđut ee. ofelaččat, bargogirjjit ja rehkenastinprográmmat fitnodaga hálddahusa, ekonomiija ja márkanastima, mat gullet geahččaleapmái ee. bagadusat, bargogirjjit ja rehkenastinprográmmat fitnodathálddahusa, ekonomiija ja márkanastima iešdoaibmi dikšumii. Dasa lassin Fitnodatdulka doallá sisttis fitnodaga vuođđudanoasi, mas fitnodaga vuođđudeapmi ollahuhttojuvvo rievttes vuogi mielde gárgguid garvvedettiin ja váttisvuođaide ráhkkanettiin. Ovdamearkka dihte fitnodatdoaibmaplána veahkeha du lađastallat iežat fitnodatjurdaga ja muitala, mot geavadis ollahuhtát fitnodatjurdaga. Fitnodatdoaimma fuolalaš árvvoštallan ja plána ráhkadeapmi leat ávkkálaččat earenoamážit alccesat, muhto dárbbahat dan maid fitnodatdoarjagiid sihke álggahandoarjaga ohcama váste.

Suomi.fi – Luodda fitnodagaid almmolaš bálvalusaide

Fitnodagaide čuozihuvvon almmolaš fitnodatbálvalusat leat olaheamis fierpmis www.suomi.fi/yritykselle
dehe telefovnnain: Fitnodat-Suopma-telefonbálvalus 0295 020 500

Fiebmebálvalusas gávnnat dieđu ee. čuovvovaš fáttáin; fitnodatdoaimma álggaheapmi, innovašuvdnadoaibma, máhtu ovdánahttin, buktagahttin ja riikkaidgaskasažžan šaddan.

Davvikalohta Rádjeneavvun

Rádjaneavvun dieđiha ja neavvu priváhtaolbmuid, fitnodagaid ja organisašuvnnaid rádjerasttildeaddji áššiin. Rádjeneavvumis lea doaibmabáiki Suoma ja Ruoŧa sihke Suoma ja Norgga gaskasaš ráji nalde. Lassidieđuid gávnnat Davvikalohta Rádjeneavvuma ruovttusiidduin