Jealmma geavaheaddjit, vuollel 6 j. mánát, nuvttá váhnemiid mielde.
Hattiide gullá ÁLV.
Mii doallat rivttiid hadderievdadusaide.
Fuomáš! Sáhttá máksit dušše goarttain. Mii eat vuostáváldde reaidaruđa.

2 čuovggahuvvon luohká
Okta geavrehissa (580 m).

Guovllus lea maid muohtagámajohtolat, dollasadjelávvu ja várdobáiki. Duottar-Sámi luondduguovddáš lea dakkaviđe luohkáid guoras.

Láigohit reaidduid čierastallamii ja muohtalavddástallamii.

Hattiide gullá ÁLV.
Mii doallat rivttiid hadderievdadusaide.

Čierastallan

Lávddastallan

Čuovggahuvvon láhttu, mii johtá Jyppyrävárri birra, sáhttá gohčoduvvot maid vuosttaš muohttaga láhttun, daningo dat rahppojuvvo dakkaviđe, go bissovaš muohta lea muohttán eatnama nala dehege dábálaččat golggot-skábmamánus. Láhttu lea gaskageardán váttis ja dat heive sihke árbevirolaš ja friddja čuoigamii. Sevdnjes áiggiid láhttučuovggat cahkkanit veiggodettiin ja jáddet eahkediid d. 22.00.

Čuovggahuvvon láhtu nala beassá skuvlaguovddáža duohken. Láhtu mielde gizzojuvvo váre nala, gos lea 3,3 km guhku ja jorbahámat riekkis. Badjeriekkis birrajohtinhálti lea vuostebeaivái. Láhtu bajásdoallá Eanodaga gielda.

Čuovggahuvvon láhtus beassá váile kilomettar guhku goallosláhtu mielde Jyppyrä čuoiganeatnama rádjái. Čuoiganeatnamis lea oanehis mátki Duottar-Sámi luondduguovddážii. Maiddái goallosláhttu lea čuovggahuvvon.

Lea álkimus vuolgit skuvlaguovddáža duohkái čuovgaláhtu mielde. Báktejávrri láhttu earrána čuovggahuvvon álšaláhtus sulaid 1,6 km buohta. Láhttu meroštallojuvvo álgooasis gaskageardán váttisin, muhto lahkonettiin Njárbesjoga lávu eatnamat earáhuvvet dássedeabbon ja loahppaoassi leanai álki. Láhttu joatkahuvvá ráidodáluid lahka Njárbesjoga dehe johkagátti mielde Ovnnesjávrái.

Báktejávri láhtus sáhttá čuoigat sihke friddja ja árbevirolaš vugiin, vaikko dat gal adnojuvvoge lagamusat árbevirolaš láhttun. Birrajohtinhálti lea friddja. Láhtu jođáneamos njiejaldagat leat goappašiid beale Šiššaha goađi. Borgga maŋŋel láhttu rahppojuvvo dábálaččat easka Bassičearu, Siosgura ja Bálljesčielggi láhtuid rahpama maŋŋel. Lávu bajásdoallá Eanodaga gielda.

Láhttui beassá maid Duottar-Sámi luondduguovddáža šiljus. Dalle lea eanet duosttáš čuoigat Bálljesčielggi bakte Njárbesjoga lávvui ja doppe Báktejávrri bakte Heahttái.

Bálvalusat: Šiššatčielggi ja Bálljesčielggi gaskkas lea lássejuvvon Šiššaha goahti, man sáhttá láigohit. Johtolaga gaskkamuttos lea Njárbesjoga lávvu.

Oaidnámušat: Báktejávri, mii lea guhkes ja gáržžes ávžejávri.