Váikkuhandoaibmaorgánat

Boarrásiid olbmuid oassálastin- ja váikkuhanvejolašvuođaid sihkkarastima dihte gielddaráđđehus ferte ásahit boarrásiidráđi ja fuolahit dan doaibmaeavttuin. Boarrásiidráđđi sáhttá leat máŋgga gielda oktasaš.

Boarrásiidráđđái galgá addojuvvot vejolašvuohta váikkuhit gielda sierra doaibmasurggiid doaimma plánemii, válmmastallamii ja čuovvumii áššiin, main lea mearkkašupmi agáiduvvan álbmoga buresbirgejumi, dearvvašvuođa, searvama, eallinbirrasa, orruma, lihkadeami dehe beaivválaš doaimmain birgema dehe sin dárbbahan bálvalusaid dáfus.

Lápmásiid searvan- ja váikkuhanvejolašvuođaid sihkkarastima dihte gielddaráđđehus ferte ásahit lápmásiidráđi. Lápmásiidráđđi sáhttá leat máŋgga gielda oktasaš. Lápmásiin ja sin oapmahaččain ja servviin galgá leat lápmásiidráđis dárbahassii buorre ovddastus. Gielddaráđđehus galgá atnit ávvira lápmásiidráđi doaibmaeavttuin.  

Lápmásiidráđđái galgá addojuvvot vejolašvuohta váikkuhit gielda sierra doaibmasurggiid doaimma plánemii, válmmastallamii ja čuovvumii áššiin, main lea mearkkašupmi lápmásiid buresbirgejumi, dearvvašvuođa, searvevuođa, eallinbirrasa, orruma, lihkadeami dehe beaivválaš doaimmain ceavzima dehe sin dárbbahan bálvalusaid dáfus.

Nuoraidráđđi (nurá) lea 13-19-jahkásaš eanodatlaš nuorain čohkiidan áššedovdi- ja ovttasbargoorgána, mii ovddasta nuoraid jiena gielddas.

Nuoraidráđđái válljejuvvojit ođđa lahtut válggain guovtti jagi gaskkaid. Nurá lahtuin lea searvanriekti lávdegottiin ja gieldda váldostivrras. Nurá čoahkkana sulaid 4-5 háve jagis ja dárbbu mielde.

Nurá doaimmas nuoras lea vejolašvuohta oččodit ideaid ja ollahuhttit doaimmaid, dáhpáhusaid ja kampánnjaid gielddas. Nuoraidráđiin lea maiddái vejolašvuohta dahkat álgagiid ja addit cealkámušaid.

Gieldaláhka geatnegahttá gielddaid ásahit nuoraidráđi juohke gildii, ja nuorain lea riekti šaddat gullojuvvot mearrádusdahkamis, mii guoská nuoraid.