Eanodagas lea Heahtás bálvaleaddji nuoraidsadji. Nuoraidsadji lea čuozihuvvon 10 - 25 jahkásaš nuoraide. Nuoraidsajis lea doaibma disdaga ja bearjadaga gaskkas. Nuoraidsaji dárkkuhussan lea fállat nuoraide somás oktasaš astoáiggi muosáhusaid sihke saji, gosa čoahkkanit. Nuoraidsajis sáhttá orodit, ságastallat, spealadit sihke deaivat dorvvolaš rávesolbmuin. Nuoraidsajis lea maiddái fierbmespeallosadji.
Logahat- ja badjeskuvlaahkásaš nuorat sáhttet ieža várret saji iežaset atnui, mainna doarjut ng. veardásašnuorradoaimma. Veardásašnuorat sáhttet doallat nuoraidsaji rabas iehčanasat nu, ahte rávesolmmoš, geas lea ovddasvástádus, lea álohii telefonriŋgema geahčen. Min ulbmilin lea váldit nuoraid oassálastit doaimma plánemii ja ollahuhttimii.
