Árrabajásgeassin- ja skuvlaovttasbargu
Girjerádjobálvalusat mánnájoavkkuide ja beaiveruovttuide
Cukcaboddu
Lohkkojuvvo oanehis govvagirjji ja ságastallojuvvo das, dan maŋŋel sáhttá omd. buđalduvvot juoidá girjji olis. Lohkanbotta sáhttá bivdit maid dihto fáttás ja dat sáhttá ordnejuvvot vuoruid mielde girjerájus ja beaiveruovttus.
Girjerádjui oahpásnuvvan
Mannojuvvo girjerádjui ja oahpásnuvvo girjjiid imašlaš máilbmái.
Eará
Girjerádju sáhttá bivdojuvvot lágidit mánáide maid eará prográmma, mii laktása girjerádjui dehe girjjálašvuhtii. Muital iežat sávaldaga, nu geahččalit ollahuhttit dan vejolašvuođaid mielde.
Váldde oktavuođa áiggebále, mielalis guokte vahku ovdal ollahuhttináigemuttu. Muital joavkku sturrodaga ja áigedávvalsávaldaga. Oahpásnuvvama sáhttá sihtat guovtte háve jagis ja lohkanbotta mánnosaččat.
Girjeráju bálvalusat skuvlii ja luohkáide
Ovdaskuvlii
Lohkanbodda, mas lohkkojuvvo girjji, ságastallojuvvo dan birra ja bargojuvvo juoidá girjji birra. Girjerádjui oahpásnuvvan.
1 – 2 luohkáide
Girjerádjui oahpásnuvvan. Lohkanbodda. Girjegeažideapmi.
3 – 4 luohkáide
Girjerádjui oahpásnuvvan. Girjegeažideamit, main girjjálašvuohta suomagiela ja girjjálašvuođa diimmuide dehe juoga eará oahppoávdnasii. Eará mii gullá girjerádjui ja girjjálašvuhtii (iešmearriduvvon).
5 – 6 luohkáide
Diehtoohcama oahpásnuhttin: girjerádju ja girjjit. Girjegeažideapmi.
7 – 9 luohkáide
Diehtoohcama oahpásnuhttin: girjerádju ja interneahtta, gáldokritihkka. Girjegeažideapmi.
Logahahkii
Diehtoohcama oahpásnuhttin: girjerádju, girjjit ja interneahtta, mielde gáldokritihka oassi. Girjegeažideapmi.
Dieđit iežat luohká ja joavkku sturrodaga sihke makkár fáttá ja goas háliidat ollahuhttima. Lohkanbottaid ja girjegeažidemiid sáhttá bivdit máŋgga háve jagi áigge, eanemusat 8 háve/jahki. Oahpásnuvvamiid ja diehtoohcama oahpahusat sáhttet bivdojuvvot ovtta háve ovtta lohkanbajis.