Árrabajásgeassinmávssut

Árrabajásgeassima áššehasmáksinlágas (1503/2016) mearriduvvo gieldda ordnen beaiveruokto- ja bearašbeaivedikšumis bearranvuloš mávssuin. Árrabajásgeassima áššehasmáksinlága eaktudan indeaksadárkkistusat áššehasmáksui ja dienasrájiide dahkkojuvvojit juohke nuppi jagi. Árrabajásgeassinmávssut vuođđuduvvet láhkii sosiála- ja dearvvašvuođafuolahusa áššehasmávssuin. Árrabajásgeassinmáksu mearrahuvvá bearraša bruttodietnasiid mielde. Álgovuolggalaččat máksu sáhttá berrojuvvot eanemusat ovttanuppelogi mánu ovddas. Máksu sáhttá goitge berrojuvvot guovttenuppelogi mánus, jos mánná ii leat jagi áigge leamaš eret beaivedivššus badjel 3⁄4 mánnomávssu vuođđun leamaš mánnosaš dikšunbeivviid mearis.

Árrabajásgeassima áššehasmávssut 1.8.2024 rájes

Bearraša nuoramus máná ollesbeaivedikšumis bearranvuloš alimus mánnomáksu lea 311 euro. Nuppi mánás bearranvuloš máksu lea eanemusat 40% nuoramus máná mávssus dehege eanemusat 124 euro mánnui. Čuovvovaš mánáid ovddas máksu lea 20% nuoramus máná dikšunmávssus. Unnimus bearranvuloš mánnáguovdasaš máksu lea 30 euro.

Dienasrájit ja bearraša sturrodat

Dábálaš dienasdásseindeavssain dárkkistuvvon sosiála- ja dearvvašvuohtafuolahusa áššehasmávssuin addojuvvon lága 7 a § 3 momeanttas dárkkuhuvvon árrabajásgeassinmávssu mearrideamis adnojuvvon dienasrájit leat  1.8.2024 rájes čuovvovaččat:

Jos bearraša sturrodat lea stuorit go guhtta olbmo, bajiduvvo dienasrádji, mii lea mávssu mearrideami vuođđun, 1.8.2024 rájes 275 euroin guđenai čuovvovaš mánás.

Áššit, mat váikkuhit árrabajásgeassima sturrodahkii

Áššehasmávssu sturrodahkii váikkuha árrabajásgeassinmearrádusas ja - soahpamušas meroštallojuvvon árrabajásgeassinvuohki ja sohppojuvvon doaibmanbeivviid mearri. Máksu ceahkkálastojuvvo máksinluohkáide kaleandarmánu várrejuvvon dikšunbeivviid mielde čuovvovaččat:

Dikšunbeaivvit

1-8 b/m                             máksu 60 %

9-16 b/m                           máksu 80 %

badjel 16 b/ m                  máksu 100 %

Ovdaskuvlamáná dievasmahtti árrabajásgeassima máksinluohkát

3-5 diimmu/b                    máksu 60 %

eanemusat 3 diimmu/b    máksu 40 %

eanemusat 1 diibmu/b     máksu 20 %

Gaskaboddasaš árrabajásgeassima máksu lea oassebeaivedikšumis 15€/b ja ollesbeaivedikšumis 20€/b.

Juos máná árrabajásgeassin álgá dehe nohká gaskan kaleandarmánu, máksu berrojuvvo ollahuvvan beivviid mielde.

Jos fuolaheaddjit eai váldde vuostá mánnái ohccojuvvon ja mieđihuvvon árrabajásgeassinbáikki iige dat leat šluhttejuvvon ovdal mearrádusa mieldásaš álginmuttu, fuolaheddjiin sáhttá berrojuvvot bealli mánnosaš mávssus.

Buhtadusat, mat ožžojuvvojit árrabajásgeassinmávssus

Váldonjuolggadussan lea, ahte máksu berrojuvvo maid máná gaskaboddasaš eretorruma ovddas. Dattetge juos mánná lea eret árrabajásgeassimis buozanvuođa dihte eanet go 10 beaivvi kaleandarmánus, de berrojuvvo bealli mánnosaš mávssus. Juos buozanvuohta bistá olles mánu, de máksu ii berrojuvvo obanassiige. Juos mánná lea leamaš eret eará siva dihte olles kaleandarmánu, iige mánnái leat dahkkojuvvon gaskkalduhttin mearreáigái, berrojuvvo bealli mánnosaš mávssus.

Fuolaheddjiin lea vejolašvuohta dahkat mánnái gaskaboddasaš gaskkalduhttima, mii bistá unnimusat njeallje vahku. Juos gaskkalduhttin dieđihuvvo eDaisy bakte maŋimusat guokte vahku ovdal gaskkalduhttima álgima, ii dieđihuvvon mánuid ovddas berrojuvvo máksu. Bearaš ii sáhte ohcat gaskaboddasaš gaskkalduhttima áiggis mánnádikšundoarjagiid.