Skuvlanuoraidbargu

Dat sáhttá doallat sisttis ovdamearkka dihte oahppodiimmuid dovdamušmáhtuin ja olmmáimqhtuin, gárrenmirkkuin, seksuálavuođas, iešdovddus, buresbirgemis dehe vuorrováikkuhusas. Skuvlanuoraidbargui sáhttet  gullat doaibmi hárjehallamat joavkkuin, ovttaskas ságastallamat dehe dieđuid juogadeamit. Nuoraidbargi sáhttá ordnet diibmogaskadoaimma dehe dahkat nuoraid osolažžan ordnet ieš diibmogaskadoaimmaid. Skuvlanuoraidbargu ovttasbargá lávga skuvlla bargoveagain, skuvlakuráhtorin ja searvegotti nuoraidbargguin dan buorrin, ahte juohke nuoras livččii skuvllas dorvvolaš dilli ja juohkehaš beasalii leat dakkár go ieš háliida. Skuvlanuoraidbarggu ulbmilin lea ovddidit skuvllas ádjáneami, buoridit searvvušvuođa, unnidit nuoraid aktonasvuođa ja illáveadjima, doarjut nuoraid gaskavuođa goriid ja ovddidit nuoraid searvevuođa skuvlla árgabeaivvis. Nuoraidbarggu bargun skuvllas lea arvvosnuhttit ja veahkehit skuvlavázzima, muhto nuoraidbargi ii árvvoštala nuoraid dehe čuovo ovdamearkka dihte Wilma - merkemiid. Nuoraidbargi deháleamos bargun lea leat dorvvolaš, luohtehahtti rávesolmmoš, gean lusa sáhttá boahtit iluiguin ja morrašiiguin. Nuoraidbargu ollahuhttojuvvo skuvllas nuoraidbarggu prinsihpaid mielde; oassálastin lea eaktodáhtolaš, doaibma vuolgá nuoraid dárbbuin ja nuorra oažžu boahtit dakkárin go lea.

Skuvlla nuoraidbargái sáhttá váldit oktavuođa Wilmas, somes dehe telefovnna bakte, dehe boahtit skuvllaide humadit. Heahtá skuvllas nuoraidbargi bargansadji lea váldoáššis A-vistti feaskára láselanjažis. Nuoraidbargi dieđiha skuvlla bargovehkii ja ohppiide beivviid goas lea olámuttos skuvllas. Telefovnna ja sosiála media kanálaid bakte nuoraidbargi lea dábuheamis beaivválaččat. Skuvlanuoraidbargui oassálastin skuvllas lea eaktodáhtolaš.

Nuoraidláhka
http://www.finlex.fi/fi/laki/ajantasa/2016/20161285