Dábálaš logahaga oahppomeari lassin sáhtát čađahit sierralágán heivvolaš gurssaid, mat laktásit lundui, ja mat ollahuhttojuvvojit beaivegurssaid maŋŋel eahkesbeaivve dehe vahkkoloahpa juos 5 oahppi válljejit gažaldatvuloš gurssa.
Davvisámegiela sáhtát lohkat maiddái eatnigiela ja girjjálašvuođa oahppomearrin. Juos háliidat lohkat sámegiela eatnigiellan, sáhtát válljet juogo sierra sámegielalaččaide dárkkuhuvvon oahppomeari dehe suomagiela giella- ja girjjálašvuohta -oahppomeari mielde.
Logahaga áigge dus lea anus guoddindihtor, man sáhtát lotnut alccesat logahaga maŋŋel. Skuvlagivttat leat nuvttá ja váldonjuolggadusa mielde dat leat vuođđooahpahusa givttaid olis.
