Juos du skuvlamátki lea badjel vihtta kilomettara ovtta guvlui, de dus riekti nuvttá skuvlagiktii almmá sierra ohcamuša haga. Eará dáhpáhusas ohcamuš nuvttá givttas čujuhuvvo buresbirgenlávdegoddái.
Ovda- ja vuođđooahpahusa ohppiin lea riekti gieldda ordnen nuvttá skuvlagiktii, juos skuvlamátki lea badjel vihtta kilomettara ovtta guvlui dehe muđuid lea oahppi agi dehe diliid oaidnut ilá váttis, lossat dehe várálaš. Beaivválaš máhcci skuvlamátki vuordináiggiguin oažžu bistit eanemusat bealgoalmmát diimmu, 13 jahkásaččaide golbma diimmu.
Nuvttá givtta molssaeaktun lea doarjja oahppi givttaheami ja mieđušteami váste, mii mieđihuvvo váhnemiidda.
Oahppogeatnegasvuođaset ollahuhtti nuppi dási ohppiin lea vuoigatvuohta nuvttá skuvlamátkái, juos skuvlamátki lea unnimusat čieža kilomettara ovtta guvlui ja skuvlamátkái adnojuvvo joavkojohtolat.
Juos joavkojohtolaga ii leat vejolaš geavahit, oahppi galgá ieš ordnet johtima oahppolágádussii ja sutnje máksojuvvo das ruđalaš buhtadus.