Skuvlaboradeapmi
Skuvlaboradeapmi lea oahppi beaivválaš buresbirgejumi, dearvvašvuođa ja veadjima dehálaš oassi. Skuvlaboradeapmi lea maid skuvlla oahpahus- ja bajásgeassindoaimma oassi.
Oahppit oahpistuvvojit dearvvašlaš borranvieruide ja buriide dábiide, maidda gullá ovdamearkka dihte earáid vuhtii váldin boradettiin. Gievkkanbargoveahka lea oahpaheddjiid bálddas veahkkebajásgeassi borranáššiin ja buriid dábiid oahpaheamis. Biebmobálvalusa ja skuvllaid bargoveahka čuovvu ja ovdánahttá skuvlaboradeami. Maiddái oahppit ožžot vejolašvuođa searvat boradeami plánemii ja ollahuhttimii, mii doarju oassálastimii váldima ja searvvušvuođa. Skuvllaid beaiveborramuššii gullet liegga borramuš, saláhta, faskkohat dehe eará varas ruotnasat dehe heđema. Dasa lassin guossohuvvo beaivválaččat láibi, njuvddus, juhkamuššan vuojahis mielki, bipmi ja čáhci. Eanodaga gieldda skuvllain lea anus 6 vahku johtti borramušlistu. Skuvlaboradeamis váldojuvvojit vuhtii maiddái árbevirolaš allabasit omd. juovllat. Eanodaga gielda fállá maid nuvttá gaskaborramuša, go skuvlabeaivi joatkahuvvá eahkesbeaivái.
Eanodaga gieldda ovda- ja vuođđooahpahusa ohppiid lassin maiddái logahaga oahppit leat vuoiggalaččat nuvttá skuvlaborramuššii sihke gaskaborramuššii skuvlabeaivvi áigge.
Juos dus lea biebmoávnnasallergiija, doaimmat guovddášgievkkanii dearvvašvuohtadivššára dehe doaktára duođaštusa. Jus dus leat eará borramušráddjehusat, váldde oktavuođa guovddášgievkkanii.
