Huksenbearráigeahčču
Measta buot huksemii dárbbahuvvo huksenlohpi dehe eará eiseválddi dohkkeheapmi. Vistti viiddidan- ja mearkkašahtti divvun- ja nuppástuhttinbarggut dehe geavahanulbmila nuppástuhttin maid gáibidit huksenlobi.
Lohpi mieđihuvvo, juos buot dan eavttut ollahuvvet. Juos fidnu spiehkkasa njuolggadusain dehe mearrádusain, dat sáhttá dárbbahit spiehkkasanlobi ovdal go huksehuslohpi mieđihuvvo.
Oza huksenlobi gieldda huksenbearráigeahču eiseválddis, gii maid neavvu áššis.
Huksenlobi sáhttá ohcat huksenbáikki háldejeaddji, gii sáhttá leat eaiggát, eaiggáda fápmudan dehe huksenbáikki láigo- dehe eará soahpamuša vuođul hálddahan olmmoš.
Huksenlohpeohcamuša johttáheamis galgá váldonjuolggadusa mielde ilmmuhit ránnáide. Ránnáin dárkkuhuvvo bálddalas dehe buohtalas giddodat dehe eará guovllu eaiggát ja háldejeaddji. Ovttaáigásaččat galgá ášši johttáheamis heivvolaš vuogi mielde dieđihuvvot maid huksenbáikkis. Ilmmuhus ránnáide sáhttá guđđojuvvot dagakeahttá dalle, go fidnu lea unnánaš dehe fidnu váikkuhus ii leat ránná dáfus mávssolaš. Ránná gullama dárbbu árvvoštallá huksenbearráigeahču eiseváldi.
Huksenlohpi ohccojuvvo elektrovnnalaččat Lohpečuokkis-bálvalusa bakte. Maiddái bargohoavdaohcamušat ja -ilmmuhusat galget ohccojuvvot Lohpečuokkis-bálvalusa bakte.
Lassidiehtu
Enontekiön virastotalo
Enontekiön virastotalo
Huksen- ja doaibmabidjolobiid skovit
Huksenbearráigeahču almmustuhttimat
Almmustuhttinlogahallamat leat virggálaččat oaidninládje elektrovnnalaš hámis Lupapiste.fi:s