Du mánná sirdása stáđásnuvvan skuvlabálgáid mielde ovdaoahpahusas vuođđooahpahussii seamma skuvllas. Dušše Gáresavvona skuvllas sirdásuvvo badjeskuvlii Heahtá vuođđoskuvlii. Eanodaga gieldda skuvllain lea anus Wilma ruovttu ja skuvlla gaskavuođa ovttasbarggus. Wilma bakte sáhtát dikšut áššiid oahpaheddjiin ja oažžut maid eará dieđu iežat máná skuvlaárggas.
Suomas fásta orru máná oahppogeatnegasvuohta álgá dan jagi, go son deavdá čieža jagi. Oahppogeatnegasvuohta nohká, go oahppi deavdá 18 jagi dehe go son dan ovdal čađaha nuppi dási dutkosa (studeantadutkkus dehe ámmátlaš dutkkus) dehe danveardásaš olgoriikkalaš skuvlema.
Lámisvuođa dehe buohcama geažil oahppogeatnegasvuohta sáhttá leat guhkiduvvon. Rávesolbmot sáhttet čađahit vuođđooahpahusa oahppomeari ovdamearkka dihte rávesolbmuid logahagain dehe álbmot- ja bargoveahkaoahpahagain.
