Doarjagat

Ovdal ohcanskovi deavdima oahpásnuva fuolalaččat ohcanrávvagi.

Doaibmandoarjaga sáhttá ohcat registrerejuvvon searvvi dehe vuođđudusa njuolggadusvuloš doibmii, doaibmaplána mieldásaš bargui dehe doaimma álggaheami goluide. Maiddái nuoraid doaibmajoavkkut sáhttet ohcat doaibmandoarjaga. Doarjja ii mieđihuvvo servviid investeremiidda dehe fitnodatdoibmii, fitnodagaide, guovddášorganisašuvnnaide dehe viidásit juohkima váste.

Doarjjaohcamušas galgá čilgejuvvot, makkár doibmii doarjja ohccojuvvo. Ohcamušas galgá čuolddašuvvot, mat goluid doarjagiin gokčojuvvojit (omd. vuođđodoaibma, dáhpáhusat, smávvaháhkamat). Doarjjaoažžus sáhttá leat vuogálaš eaktodáhtolaš ruhtaháhkan.

Ohcama mielddusin galgá doaimmahit searvvi maŋemus rehketdoallomuitalusa, ruhtadoalloloahpaheami, rehketdoalu/doaimma dárkkistanmuitalusa, doaibmaplána ja bušeahta. Ođđa ohcci galgá laktit ohcamuššii maiddái searvvi njuolggadusaid.

Doaibmandoarjjaohcamuš 2025

Čuozáhatdoarjaga sáhttet ohcat eanodatlaččat dehe servošat, mat doibmet Eanodagas. Čuozáhatdoarjja mieđihuvvo dáhpáhusa, prošeavtta, smávváháhkama dehe danveardásaš geardelundosaš doaimma ollahuhttimii. Čuozáhatdoarjagat leat maiddái BUDE-doarjja, doarjja eallinfámu ovddideaddji mearkkašahtti stuora dáhpáhusaide ja GeahččalanSeahkka -doarjja innovatiivvalaš geahččalemiide.

Ulbmildoarjaga ozadettiin galgá čielggadit, makkár doibmii doarjja ohccojuvvo. Ohcama čuovusin galgá lasihit doarjjavuloš doaimma plána ja bušeahtta. Bušeahtas galget boahtit ovdan maid iešoaivválaš ruhtaháhkama oassi ja eará ruhtagáldut. Doarjja sáhttá gokčat eanemusat 75 % prošeavtta ollislaš goluin.

Ohcamuša čuovusin galget doaimmahuvvot searvvi maŋemus doaibmamuitalus, maŋemus rehketdoalloloahpaheapmi, rehketdoalu/doaimma dárkkistanmuitalus, álgodoaibmaplána ja álgobušeahtta. Ođđa ohcci galgá laktit ohcamuššii maiddái searvvi njuolggadusaid.

Čuozáhatdoarjaga ollahuhttinvuloš prošeakta sáhttá leat:

Dáhpáhus

• mii ordnejuvvo Eanodagas ja lea buohkaide rabas (ii dušše lahtuide dárkkuhuvvon)
• mii lasiha ja dahká máŋggabeallásažžan dáhpáhusfálaldaga Eanodagas
• mii ealáskahttá ruovttuguovllu árbevieruid

Stuora dáhpáhus

• mii ovddida mearkkašahtti ládje eallinfámu Eanodagas
• mii lea riikkaviidosaš dehe guovlluguovdasaš stuoradáhpáhus
• man oasseváldimearri árvvoštallojuvvo hui mearkkašahttin
• mii buktá guovlluguovdasaš ja riikkaviidosaš oinnolašvuođa
• mii doarju gieldda imago

Eanodaga gielda sáhttá doarjut guorahallanvulošvuođa mielde maid fitnodaga Eanodagas ordnejuvvon stuoradáhpáhusa, goas áššis ráđđádallojuvvo sierra soahpamuš.

Buresbirgejumi ja dearvvašvuođa ovddideaddji dáhpáhus (BUDE)

• mii čuovvu buresbirgenplána
• mii ovddida dearvvašlaš ja lihkadeami mieldásaš eallinvuogi
• mii lea vuollegis lasá ájanasdoaibma
• mii lea ođđa geahččaleapmi

Diđoštallamat: buresbirgenbagadalli Virpi Töyrylä 040 709 0665, virpi.toyryla@enontekio.fi

Bagadallanskuvlen searvvi dárbui

• mii ovddida ja dahká máŋggabeallásažžan eanodatlaš searvedoaimma
• mii lea bagadalliid, hárjeheddjiid ja eará searvedoibmiid skuvlen

Mieđihuvvo skuvlen- ja skuvlenmateriálagoluide. Ii sisdoala skuvlemii oassálasti mátke- ja orrungoluid.

Innovatiivvalaš geahččaleapmi

GeahččalanSeahkka –  doarjja mieđihuvvo geahččalemiide, mat buktet ođđalágan doaimma ja dáhpáhusaid. Mieđihuvvo geardelundosaččat eanemusat 1000 €. GeahččalanSeahkka-doarjagis lea bistevaš ohcan. Ohccojuvvo ovdánahttima ja eallinvuoimmi doaibmasuorggis.

GeahččalanSeahkka – doarjja 2025

Smávvahápmasaš reaidoháhkan

• mii lea ájanasreaidu, mii geavahuvvo searvvi ordnen ájanasdoaimmas.

Leaira

• mii ordnejuvvo Eanodagas,
• masa oassálastet unnimusat 10 leairalačča
• mii bistá unnimusat 2 jándora

Čuozáhatdoarjaga ohcanskovvi 2025

Čuozáhatdoarjaga 2025 čilgehusskovvi

Bajásdoallandoarjagat ohccojuvvojit sierra skoviiguin. Ozadettiin galgá čilgejuvvot, makkár doibmii doarjja ohccojuvvo. Ohcama čuovusin galgá lasihit doarjjavuloža doaibmaplána ja bušeahta. Bušeahtas galget boahtit ovdan maid vejolaš iešoaivválaš ruhtaháhkama oassi ja eará vejolaš ruhtadangáldut. Ohcamuša čuovusin bohtet doarjjaguovdasaččat gáibiduvvon mildosat.

Bajásdoallandoarjaga ohcanskovvi 2025

Doarjjaohcamuš láhttosearvamiidda 2025