Čanolašvuohtadieđáhus galgá dahkkojuvvot jođihan- ja luohttámušdoaimmain ealáhusfitnodagain ja eará servošiin, mearkkašahtti opmodaga birra ja eará čanolašvuođaid birra, main sáhttá leat mearkkašupmi luohttámuš- ja virgedoaimmaid dikšumis. Čanolašvuohtadieđáhus galgá dahkkojuvvot guovtti mánu siste dan rájes, go olmmoš lea válljejuvvon luohttámušdoibmii dehe bargui.
Dieđihangeatnegas luohttámušolbmot leat:
- gieldda váldostivrra ságadoalli ja várreságadoallit
- gielddaráđđehusa lahtut ja várrelahtut
- eanageavahan- ja huksenlága dárkkuhan bargguid dikšu doaibmaorgána lahtut ja várrelahtut
- lávdegottiid ságadoallit ja várreságadoallit
Dieđihangeatnegas virgeháldejeaddjit leat:
- gielddahoavda
- gielddaráđđehusa áššemeannudeaddji
- lávdegottiid áššemeannudeaddjit
Dieđihangeatnegas olbmos lea alddis ovddasvástádus iežas čanolašvuohtadieđáhusa dahkamis ja ilmmuhuvvon dieđuid riektatvuođas. Olmmoš galgá maid ájahalakeahttá dieđihit čanolašvuođain dáhpáhuvvan nuppástusain.
