Ruoktojienasteapmi
Jietnavuoigadahtton olmmoš, gean nákca lihkadit dahje doaibmat lea dan meare rájálaš, ahte son ii beasa almmá govttohis váttisvuođaid jienastan- iige ovdajienastanbáikái, oažžu jienastit ovddalgihtii ruovttustis dan gielddas, mii lea merkejuvvon jienastanvuoigatvuođaregistarii su ruoktogieldan. Ruoktojienasteapmái vuoigadahtton olbmo ruoktojienasteami oktavuođas sáhttá jienastit maiddái ruoktojienasteapmái vuoigadahtton olbmuin seammá dállodoalus ássi oapmahašdikšundoarjagis addojuvvon lágas (937/2005) dárkkuhuvvon oapmahašdivššár, juos guoskevaš gielda lea merkejuvvon jienastanvuoigatvuođaregistaris su ruoktogieldan. Jos seamma dállodoalus ássi oapmahašdivššár aigo jienastit ruoktojienasteami oktavuođas, dan galgá dieđihit almmuhusas. Ruoktojienastanáigodat lea 2.‒ 8.4.2025.
Ruoktojienasteapmái vuoigadahtton olmmoš galgá čálalaččat dahje telefovnnain almmuhit su hálus jienastit ovddalgihtii ruovttustis maŋimustá disttaga 1.4.2025 dii. 16.00 rádjai gieldda guovddášválgalávdegoddái . (Tel. 040 668 2517, Gielddaviessu, Ounastie 165, 99400 Eanodat)
Almmuhusa sáhttá jienasteaddji beales dahkat su válljen olmmoš. Čálalaš almmuhusa, man galgá vuollái čállit, sáhttá dahkat geavahemiin dan dárkkuhusa várás ráhkaduvvon skovi, man oažžu gielddaviesus dahje dan sáhttá luđet interneahtas čujuhusas Vaalit.fi/aanestaminen-kotona