Duottar-Lappi ja Pello barggolašvuođaguovlu 1.1.2025

Stáhtaráđđi lea mieđihan 30.11.2023 lobi bargofápmobálvalusaid lágideapmái Eanodaga, Gihttela, Kolari, Muoná ja Pello gielddain hápmašuvvi Duottar-Lappi ja Pello barggolašvuođaguovllus. Gihttel doaibmá barggolašvuođaguovllu vástugieldan. Gielddat leat ovttas soahpan vuođđoprinsihpaid boahttevaš barggolašvuođaguovllu bálvalusaid lágideami birra. Ovttas mearkkašahtti áššin oaidnit, ahte boahttevaš barggolašvuođaguovllus deattuhuvvo bargoohcanbálvalusaid lassin bargoaddibálvalusaid ja juohke barggolašvuođa gielddas lea boahttevuođas nana lagašbálvalusat gielddaid mielde. Oktasaš barggolašvuođaguovllu doaibmaprinsihppan leat alla dási, ovttaveardásaš ja dárbbuin vuolgi lagašbálvalusat, main buot áššehasat deaivvaduvvojit govttolaš áiggis.

Barggolašvuođaguovllu válmmaštallama joatkit vástugieldda jođiheami vuođul buori ovttasbarggus guovllu gielddaiguin, Ealáhus-, johtolat- ja birasguovddážiin, Bargo- ja ealáhusdoaimmahagain, KEHA-guovddážiin (EJB-guovddážiid ja BE-doaimmahagaid ovddidan- ja hálddašanguovddáš), Gielddaidlihtuin, Gielddaid bargoaddiiguin, Lappi lihtuin ja eará barggolašvuođaguovlluiguin. Ođastusa guoski láhkaásaheapmi lea dohkkehuvvon riikkabeivviin giđđat 2023 ja lágat bohtet fápmui 1.1.2025. Ođastus lea riikkaviidosaš ja ođastusa mielde bargo- ja ealáhusbálvalusaid lágideami ovddasvástádus sirdása báikkálaččat gielddaide. BE-bálvalusaid sirdáseapmi gielddaide buktá bálvalusaid lagabui áššehasaid ja gieldda eará eallinfápmobálvalusaid.

Duottar-Lappi ja Pello barggolašvuođaguovllu válmmaštallin álggahii 12.2.2024 ovddidanáššedovdi Tero Hyttinen, guhte doaibmá doaimmas jagi 2024 lohppii. Hyttinen sirdásii Gihttela gieldda bálvalussii Lappi bargo- ja ealáhusdoaimmahaga bálvalanhoavdda doaimmas.

Lassedieđut:

Timo Kurula, gielddahoavda, Gihttela gielda, tel 040 595 7597, timo.kurula@kittila.fi

Tero Hyttinen, ovddidanáššedovdi, Gihttela gielda, tel 040 683 6937, tero.hyttinen@kittila.fi