Jagi 2025 álggus iežas gielda fállá barggolašvuođabálvalusaid Duottar-Lappi ja Pello barggolašvuođaguovllus
BE-bálvalusat sirdásit gielddaid bargun jagi 2025 álggus, ja stáhta bargo- ja ealáhusdoaimmahagat elege BE-doaimmahagat heaittihuvvojit. Bargofápmobálvalusat bohtet juohke gieldda vuođđobálvalusaid oassin. Gihttela gielda ordne bargofápmobálvalusaid ovttas Eanodagain, Kolariin, Muonioin ja Pelloin, ja dat ráhkadit ovttas Duottar-Lappi ja Pello barggolašvuođaguovllu. Gihttela gielda doaibmá guovllu isitgieldan.
Maid nuppástus dárkkuha geavadis?
- Lappi BE-doaimmahat bálvala j. 2024 loahpa rádjai áiggivárremiin, oktavuođadieđut https://toimistot.te-palvelut.fi/lappi
- Jagi 2025 álggu rájes du bálvalit áššedovdit gielddain áiggivárremiin. Ođđa oktavuođadieđut vuollelabbos.
- Jos leat jo BE-bálvalusaid áššehas, don it dárbbaš bargat maidige erenomáš, vaikke bálvalusbuvttadeaddji lotnašuvvá jahkemolsumis. Mii váldit dutnje oktavuođa dárbbu mielde maiddái persovnnalaččat.
- Jos ozat bargguid dahje bargiid, čálit Bargomárkantorgii https://tyomarkkinatori.fi/ ”Persovdnaáššehasat” dahje ”Bargoaddit ja fitnodatdoallit” bakte. Bargomárkantoarga doaibmá bargguid ja bargiid deaivvadanbáikin. Beasat ráhkadit ee. bargoohcanprofiilla dahje bargosadjealmmuhusa ja gávnnat viidát rávvagiid.
- Bargomárkantoargga bakte sáhtát guođđit oktavuođaváldinbivdaga ja du bálvalit viđa árgabeaivve siste.
- Sáhtát jagi 2025 álggus álo jorgalit maiddái iežat gieldda beallái ja mii veahkehit ja stivret du ovddosguvlui. Lassedieđuid ja stivrema bargoohcamii dahje bargiid rekryteremii oaččut Bargomárkantoarggas, iežat gieldda bálvalansajis ja iežat gieldda neahttasiidduin.
OKTAVUOĐADIEĐUT 2.1.2025 rájes
Jos dárbbahat barggolašvuođabálvalusaid Duottar-Lappi ja Pello barggolašvuođaguovllus (Eanodat, Gihttel, Kolari, Muonio, Pello) ja dus ii leat vel iežat oktavuođaolmmoš, váldde oktavuođa oktasaš nummárii dahje šleađgabostii, gos du stivrejit ášši vuođul rivttes olbmo ságaide:
Oktavuođanummár 040 355 1600 bálvala árggaid 2.1.2025 rájes dmu 9-11 ja 12-14.
Šleađgaboasta: tyollisyysalue@kittila.fi.
Barggolašvuođaguovllu áššedovdiid persovnnalaš oktavuođadieđut almmustahttojit gielddaid siidduin jagi 2025 álggus.
Deaivvadeamit áiggivárremiin: Työmarkkinatori.fi bakte sáhtát guođđit oktavuođaváldinbivdaga ja du bálvalit viđa árgabeaivve siste. Bargomárkantoargga lassin sáhtát várret áiggi nu, ahte bivddát áiggi šleađgaboastta bakte @kittila.fi, riŋget barggolašvuođaguovllu almmolaš bálvalannummárii 040 355 1600 dahje riŋget barggolašvuođaáššedovdái.
Fuom. buohkaid šleađgaboasta lea @kittila.fi
Lassidieđut: Tero Hyttinen, Duottar-Lappi ja Pello barggolašvuođaguovllu hoavda, t. 040 355 1551, tero.hyttinen@kittila.fi
Lassidieđut barggolašvuođabálvalusain: te-palvelut.fi, jagi 2025 álggu rájes gielddaid siiddut: enontekio.fi, kittila.fi, kolari.fi, muonio.fi, pello.fi